الي ركب فرارات على جي اكس ار يعلمني

[شامخ ألهيلا]

عندي جي اكس ار 2002
وبي اركب فرارت
وش تنصحوني فيه يالربع
وش الزين الناهي الي يصلح على موتري وكم سعره ووش الورش الزينه الي في الرياض تركبه


وتقبلو تحيات اخوكم
محيميد الروقي

[شامخ ألهيلا]

وين ياشباب
محد يرد

[رعد النجدي]

لا يبي ورش ولا غيره
ارفع كمومك وركبه انت سهل جدا واذا ما تعرف بخمسين ريال يركبه لك الميكانيكي بس اسأله قبل وش الفايده منه اذا ما يعرف لا يقرب الموتر

انا مركب اصلي تلقاه عند الضحيان
واذا تبي توفر دراهمك ونفس النتيجه ركب برازيلي من الغرابي
هذا اذا انت من اهل الرياض
وفعلا فيه فرق قبل وبعد التركيب
لا من حيث الصوت ولا من راحة الموتر في الممشى وحتى يوفر بنزين

[شامخ ألهيلا]

وخوي رعد النجدي بيض الله وجهك
كم سعر الاصلي عند الضحيان
وكم سعر البرازيلي وكيف جودته
ووش الورش الزينه الي تركبه في الرياض

[ابومعاذ]

اخوي رعد النجدي بيض الله وجهك ...كم سعر الاصلي عند الضحيان ... ووين مكان الضحيان بالرياض
وكم سعر البرازيلي وكيف جودته .... وعند اي محل بالغرابي

[شامخ ألهيلا]

اخوي رعد وينك

[الفردوس]

الظاهر أنه لا بد أن يكون القير عادي
يوجد لدى السليماني مع التركيب 480

[شامخ ألهيلا]

الظاهر أنه لا بد أن يكون القير عادي
يوجد لدى السليماني مع التركيب 480

وش دخل التماتيك في الفرارات يمكن تفيدني

[qw77]

الاخ محيميد حسب معلوماتي المتواضعة ان الموجود في السوق لاتركب على موديلات 98 وما بعدها بالنسبة لسيارات gxr.gx

[عبدالله الضويان]

اخوي محيميد اللاندكروزر من موديل 98 وطالع مايركب له فرارات00000؟

[Abo Nader]

هلا أخوي...أنا أعرف واحد مركبها لجكسار 2001..أظنها برازيلي..

[الفردوس]

قلت لكم عند السليماني يركب فرارات على العادي فقط
على كلامه يوجد فروق منها أن الدبل في العادي عصا بخلاف التماتيك
أنا ركبته ولا حظت فرق في خفة الموتر والحنة اللي حول 120 راحت ما تطلع الا حول 150 تقريبا
الجيب جي اكس ار 2003

[شامخ ألهيلا]

قلت لكم عند السليماني يركب فرارات على العادي فقط
على كلامه يوجد فروق منها أن الدبل في العادي عصا بخلاف التماتيك
أنا ركبته ولا حظت فرق في خفة الموتر والحنة اللي حول 120 راحت ما تطلع الا حول 150 تقريبا
الجيب جي اكس ار 2003

اخوي الفردوس
وش الفرق في العكوس الاماميه في القير العادي والتماتيك
الدبل الخفيف في التماتيك بزر يشتغل والقير العادي بعصا القير هل يوجد اختلاف في العكوس

[رعد النجدي]

اعتذر عن الغياب
الضحيان وكيل معتمد لتايوتا وفيه العامودي وكلهم في الصناعيه الكبيره اعتقد الجميع عارفها
وسعره اعتقد في حدود 600 ريال
وفيه البرازيلي والامريكي موجوده في الغرابي عند محلات الزينه الكبيره وسعره بحدود350 ريال
وبالنسبه للقير التماتيك يركب اهم شي لا يكون الدبل تماتيك يشتغل ويفصل من نفسه

[شامخ ألهيلا]

رعد النجدي
كيف حالك مشكور وماقصرت
انا معي الجيب قير تماتيك والدبل الخفيف على زر في الطبلون
يعني مايصلحله الفرارات وش تشور على فيه