هل الباث جيب بر ولا لأ ؟

[أبو زيد 2007]

أولا : مساكم الله بالخير
ثانيا : هل الباث يصلح يكون جيب بر موديل 2001
ثالثا : هل حرارته سريعة الإرتفاع وكيف مستوى الثبات لديه


ياليت يكون رأي مجرب
انا شاكر لكم مقدما

[صديقهم]

مساك الله بالخير

ثانيا : هل الباث يصلح يكون جيب بر موديل 2001

وليش ما يصلح من ناحيه قوه وعزم هبااااااااال...

ثالثا : هل حرارته سريعة الإرتفاع وكيف مستوى الثبات لديه

والحراره لك عليها يعني في الطعوس ترتفع الى النص ومع الحرق ترتفع ...


ياليت يكون رأي مجرب

واسأل مجرب ولا تسأل خبير ,,,

واي سؤال حاضرييييييين

[salehhd]

السلام عليكم

انا ماجربت القديم لاكن عندي 2004 بالمحرك الجديد وحسب علمي التغيير في المحرك فقط

السيارة عزم مماز وخفيفة في البر ومرغوبة
2001 محركها 3.3 لتر بقوة 180 حصان

[الجبيري0]

السلام عليكم
صباح الخير للجميع.,بالنسبة لسؤال الاخ عن الباث من موديل 2003,2004,2005 من افضل الموديلات للباث ومن وجهة نظري بان الباث افضل سيارة صنعته نيسان من ناحية القوة وعائلية وشبابيه ومريحة في المدينة والبر ويتفوق الباث عاى كثيرا من سيارات الدفع الرباعي (في فئة)ولا يخلو من بعض السلبيات واخيرا اذا عزمت فتوكل على الله وعليك بالباث وصدقني لن تندم.والسلام عليكم.

[ناوي نيه]

بس تغير شكله

[عبدالرحمن]

نصيحةه لا تاخذ باث

خذ لك اثنين عشان اذا جا بعد عمر طويل وكرف ما تروح تدور باث ثاني وما تلقى في السوق

[الربذي]

انا معي واحدمن 2002 وتحت 180 حصان في النفود لك عليه وتطلع ريحة الصحن بسرعه انصحك ان تطعس في الدبل الثقيل اما 2003 وفوق قوي عزمه ورائع جدا لانه 250 فرس !!!!! من واقع تجربه معي واحد موديله تحت 2003 وايضا جربت 2005
ماعليه غبااااااااااااااااااااااااااااااارقوي

[ابوقاسم]

ريحة الكلتش تطلع لما تكون معلقرجلك على الكلتش يعني لما تسوق ارفع رجلك مرة وحدة والا بعدين الكلتش شوي ويبيله تغيير الصحن مع الدزق
وانا عندي موديل 2000 ولا فيه اطلق منه وحرارته عاديه ومع التطعيس ترتفع ولكن بشكل مقبول يعني ما تخوف
وهذا شي عادي في كل الجيوب لان التطعيس شي استثنائي والجو له دور وايضا تنسيم الكفرات له دور
هذا ما عندي واحسن من الباث ما راح تلاقي وتوكل على الله

[عبدالرحمن2007]

اخي انا معي 2001 باث فندر
والحقيقة شيء جميل والحرارة طبيعية ...جدا ولايهمك سيارة بر وسفر وانيقة ....

[TNS]

خذ رجال خفه وقوه ولا شي اسمه حراره

[مخاوي الذيب 2]

يالربع توني رايح لوكالة نيسان وعندهم عرض على 2006 لكن توقفت عنه لأن شكل الدبل غريب

ماهو قير زي الأولات

لا مغيرينه ومخلينه زر بصراحه وقفت عن شريته قلت أسأل الشباب وآخذ شورهم

وجزاكم الله خير

[salehhd]

يالربع توني رايح لوكالة نيسان وعندهم عرض على 2006 لكن توقفت عنه لأن شكل الدبل غريب

ماهو قير زي الأولات

لا مغيرينه ومخلينه زر بصراحه وقفت عن شريته قلت أسأل الشباب وآخذ شورهم

وجزاكم الله خير

السلام عليكم

شوف هذا الموضوع انا مسويه وان شاء الله يفيدك

تجربة مصورة لنيسان باث فايندر