النصيحه لاخوكم ,,,,,,,

[السرحال]

السلام عليكم

اخواني اعظاء المنتدى المشرق بالابداااع والمتميز بكل ماهو مميز ,,,


اخواني اعضاء منتدانا الغالي

مساكم / صبحكم الله بالخير


من قبل كم اسبوع زارني واحد من الشباب

وتقهوينا وعينا من الله

خير وهو طالب فالجامعه

ووالده كان راعي حلال وتوفى و ما شاف ابوه

والحين يوم استقر الرجال

يبي يشتريله 10 نياق


ويبي يتحلب منها فقط لا غير

ونا نصحته بالساحليات لانه حليبها احلى فالمذاق من المجاهيم والمغاتير على ما سمعت من ملااك البل عندنا على الساحل

وما اقتنع وقررت اني انززل الموضوع في منتدانا ولعلي اطلع بنصايح او معلومات اوصلها لخويي



وعلى حسب معلمواتي المتوضاعه جدا وهي من شركة (يقولو)

انه المجاهيم والمغاتير حليبها كثيير لكنه مافيه حلا مثل الساحليات

واتنمى منكم النصح والارشاد ومواصفات الالوان المذكوره وعذاريب كل لون


ولكم جزيل الشكر والامتنان

اخوكم



السرحال

[أبو شاهر]

الساحليات مافيهن شي لكن المغاتير اطيب يوالفن اجوا نجد وحليبهن حلو بعد ولهن قيمة عند اهل نجد واهل الشمال اما الساحلية ماتزين الا في ديرتها الساحل

[السرحال]

والله هو فالسااحل


للكن ناوي على المغاتير


لكن ماهو عارف عنها شيء


ولك جزيل الشكر يبو شاهر

[أبو شاهر]

اخوي/السرحال

المغاتير بتعيش في الساحل لكن ما اقدر اظمن لك انها سوف توالف على الساحل اوتتحمل بيئة مختلفة عن بيئتها في الشمال وفي نجد
كما انصحك بأستشارة اخونا راع البل في هذا المنتدا (واعط القوس لباريها)

[سلطان العوني]

عليك بالمغاتير وبس

[ابوحماد]

أخوي خذ نصيحة أخوك راعي حلال وراعي أبل

تبي الحليب الطيب والكثير

عندك الشعل و المجاهيم

وياخذ أم ثاني في السود يعني ثاني أنتاج لها

والبكر أم اول بطن راح تتعبه عند الحلب تكون ماهي هديه

شينه

ولا يركز على كبر الديد الكبر في الديد يمكن يكون ورم

أهم شي خالية من العذاريب

[راع الابل]

ياحي الله اخونا السرحال وش لونك اعلومك طيبه اليوم والسوال اطيب

لكن علم خويك وقله الحليب الطيب والحلو في الحمر والوضح واذا يبي تبيض الوجه عند الضيوف عليه بالمجاهيم

والنياق تعيش في الساحل وغيره ولكن يبي يصيبها شوي جفال من المكان فترة ثم تتعود على المكان وقل خويك يتكل على الله وياخذ حمر او وضح يحطها في شبك ويحكم شبكة زين و لا يبخل على النياق بالعلف حتى تاكل وتبرك وعليك بالبرسيم تراه يكثر الحليب وتجنب الشعير اذا كانت في الشبك لانها تاكل دمنها اذا كانت في الشبك

بارك الله فيك ولك

[عبدالعزيز العبدلي]

يدور له الجرميات الطيبة حمر والا مجاهيم ويتنقى اللي ديوسها زينه وسالمة من الاورام وابل اهل وادي الدواسر يمدحونها

[السرحال]

اخواني

ابو شاهر

سلطان العوني

ابوحماد

راعي البل

عنتر بن شداد

بارك الله فيكم


ونا اشهد

وما قصرتم

اخوي راعي البل

الوضح حليبها حلاه مثل حلا الساحليات

لاني اشوف انه طعم الساحليات ما بعده ولا قط شربت غيره الا من المجاهيم لكنه مافيه حلاا ابد وهي خلفه


وشكرا

[عبدالعزيز العبدلي]

اسمح لي ............ ترى كثرة الحليب وطعم الحليب من العلف اذا كان العلف زين جاك الحليب زين ونصيحة اذا جيت تعلف حط لك مثلا بلكة برسيم اخضر مع بلكة تبن وانت بكرامة ............... حسب عدد البل اللي عندك يعني اخلط العلف وشوف طعم الحليب كيف يجيك وسلامتك

[السرحال]

مسموح لك اخوي عنتر


وماقصرت


ولكن اتمنى مشاركات اكثررر


ولاهنت

[يازين الجو]

كان ودي أفيدك لكن ماعندي علم

عالعموم الله يوفقكم ويختار اللي فيه الخير

[ابوحماد]

أخوي

التعليف يلعب دور بزيادة هرمونات الحليب وبطعمة وعمر الناقة له دور أساسي

أذا صارت أم اول او ثاني او ثالث يكون طعمه غير اذا كانت كبيرة بالحيل

وتسريح البل من الصباح مهم ويغير من طباعها

[السرحال]

ما تقصر اخوي يازين الجو

واسعدني مرورك

اخوي ابوحماد

اسعدني مرورك


وما قصرت


وانتظر بقيت الاخوان

[الدبل الثقيل]

أخوي السرحال كم سعر الخلفة الساحلية في أطراف جدة ؟