ربع ديزل

[الوفد000]

السلام عليكم ورحمة الله وبركاته

اخواني اعضاء المنتدى عندي جيب تويوتا ربع ديزل موديل 91 ودي اغير المكينه لاني احس ان ثقيل فبماذا تنصحون لاني سامع الناس يقولون لاتركب ماكينة تويوتا ............... وناس تقول ركب مكينة امريكي ..............وناس تقول لا تغير المكينه من اساسها ............وهل لوغيرت المكينه لازم اغير الجيربوكس . اريد نصاحئكم يالنشامى وشكرا لكم

[الوشاح]

اسمع يالذيب .. إذا كنت بتغير من ديزل لديزل فلا والف لا

من تجربه .. تكثر عيك المشاكل

كان عند الوالد تيوتا 99 ديزل غيرنا المكينه وركبنا تيربوياباني وفكيناه اربع مرات

بلاخير بعنا الموتر كله

اما اذا تركب بانزين أن شاءالله تسلك معك

[ناوي نيه]

يعني كم بتكلف لو تركب مكينة بنزين والمكينه الي بتركبها قتك يعني كم بتكلف بلى واحد وده يغير موتره الى فتك

[فلان بن عفتان]

تغيير المحرك ناجح إذا كان مرتب ومدروس وشغل محترم ,,,,,

مكينة الاندكروزر 6 سرندل أفضل محرك في التحمل , سعره 10 ألف ريال والتركيب 5000 ريال

الأمريكي عندك خيارين :
1- 350 كلبليتر (مكينة كابرس أو جمس ) وسعرها 1500 إلى 2000 ريال والتركيب والقطع الإضافية 2000 ريال .

2- مكينة كابرس اس اس موديل 95 بخاخ ( محرك lt-1 بقوة 300حصان ) وسعرها 3000 إلى 4000 ريال والتركيب والقطع الإضافية 2500 إلى 3500 ريال .

تحتاج أيضاً إلى تغيير الكارونه الخلفيه والأماميه إلى كارونة بنزين لأن الديزل كارونه محشوره .

[الوفد000]

الله لايهينكم على الردود يههل لفزعات

اما بالنسبه للجيب انا ابغى اغير من ديزل الى بنزين .

وعندي سؤال لو سمحتوا الا وهو بالنسبه لمكينة الكابريس 95 ss اقدر اغيرها في اي محل تشلبح و لازم خبير يركبها
مع العلم اني من سكان جده

[الوفد000]

000للرفع000

[مخرب طلعات]

يا أخوان أقدر أبيع الماكينه وأشتري أي ماكينه

عز الله إنها بووووورش كايين تيربو s

[الوفد000]

شاركونا الرأي يا اهل الخبرة ويا مشرفين المنتدى بارك الله فيكم

[بدوي جنوبي]

عليكم السلام ورحمة الله وبركاته

اخي الوفد حياك الله

اعذرني اخي الكريم ما عند خلفية عن الترهيم

بالتوفيق

[الدبل الثقيل]

وش يعني كارونه محشوره ؟ وهل يعني ان الدبل في الديزل أقوى ؟

[الوفد000]

يا الربع ويش اسهل مكينه بنزين تركب على الجيب الديزل من ماذكر اعلاه اللي ما تحتاج ترهيم واجد او قص ولحام

ويقدر يركبها اقرب ميكانيكي لان العماله في الورش ماش يركب شي ويخرب عشره .

تكفون الفزعه يا النشامى

[فلان بن عفتان]

يا الربع ويش اسهل مكينه بنزين تركب على الجيب الديزل من ماذكر اعلاه اللي ما تحتاج ترهيم واجد او قص ولحام

ويقدر يركبها اقرب ميكانيكي لان العماله في الورش ماش يركب شي ويخرب عشره .

تكفون الفزعه يا النشامى

أخي العزيز الوفد000 ,,,,,

المحرك الأفضل يعتمد على حسب ميزانيتك :

13000 إلى 15000 ريال :

- إذا كانت تبحث عن التحمل وقلة المشاكل وقوة ممتازة عليك بمحرك الاندكروز

6000 إلى 7000 ريال :

- إذا كنت تبحث عن القوة ومحرك تحمله متوسط عليك بمحرك الكابرس اس اس 95 بخاخ , ولاتنسى أن البخاخ صافي في التشغيل وبالبنزين اقتصادي

3500 إلى 4000 ريال :

- إذ كان يهمك السعر الأقل عليك بمحرك 350 كلبليتر , ولاكن لاتنسى مشاكل الكلبليتر هذا إذا صفى الكلبليتر ,,ومحرك الكلبليتر أسهل في التركيب والصيانه .

وش يعني كارونه محشوره ؟ وهل يعني ان الدبل في الديزل أقوى ؟

يعني أن الكارونه كبيرة , وبالتالي تحويل قصير . وهذا مفيد في النفود وسيئ في الخط ,


مثال : لو تجيب هايلكس بنزين وتغير الدفرنس الخلفي بحق ديزل ,, تقدر تقوم السيارة بالثالث وفي النفود مايحتاج تاخذ عزم واجد ويمسك عزمه بالثاني كنك حاطه بالأول, ولاكن بالخط يمكن ماتتعدى سرعة 140 كيلومتر .

رابط ذو صله : http://www.mekshat.com/vb/showthread.php?t=76055

[الدبل الثقيل]

جزاك الله خير..

[الوفد000]

جزاكم الله الف خير وما قصرتم