اذا انفصخ الكفر بالنفود وش تزين ؟؟؟؟؟؟؟؟؟؟

[غضنفر]

هنا الحل

[القناص]

مشكور
طريقه غير آمنه وخطيره جدا

[صلهامه]

فعلاً طريقه خطره خاصة اذا كان الكفر ضعيف وما يتحمل الضغط ,, انت شفت كفر الهمر وش متنه

يمكن بخ فليت محل الماده اللى بخها فى الكفر يعطى نفس النتيجه لأن الفليت ينفجر متسبب فى زيادة حجم الهواء .

لكن

فيه طريقه ثانيه اسهل وأحلى وجربتها مع كذا سيارة

أنك ما تروح للنفود الا معك الكيس العفريته اللى ينفخ من شكمان السيارة

ومنفاخ ابو جمل او اي منفاخ يشبك على البطارية مباشره بحيث يكون قوى شوى ,,

اذا انفصخ الكفر بس ارفع السيارة على الكيس لأن العفريته بالنفود تصير غثاء ووجع راس واشبك المنفاخ وحرك الكفر بيدك لين يقرب للجنط وانفخ للضغط اللى تبى

(( تراها نصيحة مجرب ))

وعلى فكره ترى الكيس ينفع حتى لو تتعلق بسيف النفود

[alkongrs]

الله يعطيك العافيه
الطريقه خطرة
بدل الاستبنة
وانتهينا الطريقه ذي خطيرة

[صلهامه]

السلام عليكم


ولد العمده

حاول انك ترفع السيارة على عفريته بالنفود

يا مالك من وجع الراس العفريته تغوص بالرمل والسيارة محلها

ورح عاد جمع لك حصى ان لقيت والا واحد ناسي بلكه عقب الطبخ

وبالاخير ما تغيرها الا بعد جهد وتعب ونفسك طابت من البر

[غضنفر]

اهلا بالكل
الموضوع عبارة عن دعابة
ولا اقصد به بالطبع نفخ الكفر بهذه الطريقة الخطرة
اسلم طريقة برأيي اذا كان انسلاخ الكفر من الجنط خفيف هو نفخ الكفر بواسطة ماطور الهواء ان وجد
مع استخدام صابون الفيري او الماء على جوانب الجنط لكي ينزلق الكفر على حافة الجنط