العيون تبرق (مولعه) ليه

[الباهي]

السلام عليكم ورحمه الله وبركات

كيف الحال ياشباب انشاءالله بخير

انا شريت لي كميرا فوتوغرافيه ماركه كانون

موديلها هو super130_caption

من الوكيل بسعر 640 ريال قبل يومين والامور تمام

لكن بعد ماصورت فيها اول فليم

طلعت الصور اللي شغال فيها الفلاش مش ولابد

يعني تطلع عيون الشخص اللي بالصوره تبرق

كنها عيون قطومولع فيه نور سياره عرفتو ايش المقصود

يعني تصير العيون مولعه وتبرق (حمرا ) كنك ماسك خط بالليل وحاط العالي

والنور يصفق في قطو ولا ثعل وشلون تصير عيونها تبرق صح الصور عندي كذا

تكفون اللي عنده حل يعلمني لانه حرام على هذي الكمرا تخرب علي الصور

وللمعلوميه كان عندي من قبل كميرات عاديه ورخيصه وصورها ولا احلى

ارجوكم شوفو لي حل

اخوكم الباهي

[أيمن]

المفهوم من شكواك أخوي العزيز الباهي .. هي نقطة واحدة هي :
أنك ترا عيون المصورين بالفلاش تلمع، أما باقي أجزاء الصورة فهي سليمة وصافية ..
وعلى فهمي لاستفسارك، فإنها ليست بمشكلة، وربما راجع السبب في ذلك لقوة الفلاش فقط، وذلك لأنه يسطع مع الماء الموجود في العين ..
مجرد راي، وياليت من لديه فكرة الإفادة ..

تحيتي

[ابو خلود]

السلام عليكم

مثل ما قال أخوي أيمن من الفلاش وزاوية إنعكاسه على العين .

المشكلة ذي موجودة في الكاميرات الجديدة بكثرة خصوصا الفلاشات السريعة والشديدة الإضاءة لأن الفلاتر اللي كانت موجودة بالكاميرات القديمة اللي تمنع حدوث إحمرار العين ليست موجودة في الجديد بنفس الدرجة . وتعتبر الآن من الأمور الإضافية للأسف.

بعض الكاميرات الرقمية توجد بها هالخاصية لإزالة الإحمرار إن فعلت وظيفة الفلتر وبعض الكاميرات
لا توجد بها هذه المواصفات.

راجع الكتالوج حق الكاميرا أو راجع المعرض وورهم الصور وأطلب حل .... إن ماكانت كمرتك فيها هالميزة إضغط عليهم بإرجاع موديل هالكاميرا وخذ موديل فيه ميزة نبض الفلاش المتقطع لمنع حدوث إحمرار العين.

يعني هالمميزات عادة ما يعرضها عليك البائع إلا إذا سألته .... تلقي كمرة معينه ب 1000 ريال مثلآ
وأختها بالتمام 1200 ريال والسبب في الفرق وجود ميزة نبض الفلاش المتقطع لمنع المشكلة اللي ذكرت


والسلام وياليت تخبرني وش صار معك

[الباهي]

الاخ ايمن
نعم المشكله ان العين تكون كنها عيون قطو بالليل وشكل الواحد فيها يخوف شيفه وبالنسبه لباقي الصوره تمام
واذا كانت الصوره بالنهار طبعا بدون فلاش تطلع الصوره زينه ومافيها كلام الظاهر البلى من الفلاش طيب وش
الحل
..........................
ابو خلود هلا بك

ما أتوقع ان هذا الحل مع احترامي لك لانهم ماراح يرجعونها بعدين ياخي الكميرات الرخيصه على ميه ريال مايكون فيها هالمشكله فكيف ان هذي بست ميه وشوي وفيها هذا العيب وخاصه انها ماركه على مستوى عالي
من الجوده يعني لوتلاحظ الكميرات اللي تباع بالاستوديوهات اللي تصور فيها فلم واحد وبعدها ترميها وصناعتها حي الله مافيها هالعيب فهل توافقني الراي ارجو ان تفيدني
اخوكم الباهي

[السمح]

الله يعينك أخوي الباهي على هالمشكلة ..
وهي معروفة عالمياً ، ولذلك فأكثر برامج معالجة الصور فيها خيار إزالة إحمرار العين ..
معظم البرامج من الممكن أن تعالج هذه المشكلة .. وعادة تكون تحت مسمى ( Red Eye )
ومن أجل القضاء على هذه المشكلة فإن كميرات كانون الرقمية قد تكون أكثر تطوراً بحيث أنه يخرج نور قبل انطلاق الفلاش حتى لا تحدث هذه المشكلة ..

أحلى تحية ..

[الباهي]

هلا والله بالغالي السمح

تسلم والله على التوضيح بس وش تنصحني به يعني بالعربي وش اسوي والله لو اني داري كان شريت لي ام سبعين ريال احسن لي بس زودالحرص على نقاوة الصور قلت اخذ هالمقروده

ايش الحل علمني للاهميه,,,,,,,,, لان الصور اذا شغال فيها الفلاش تفشل تخلي الواحد كنه غوريلا

اخوك الباهي

[الرمله]

اخوي / الباهي
الحل سهل جدآ , اذا بغيت تصور واحد لبسه نظاره شمسيه ,, مثل هذا

[أبشر بي]

السلام عليكم ورحمة الله وبركاته

الله يعطيكم العافيه جميعاً واحب اضيف الشيء القليل حيث ان الاخوان سبقوني بمعلوماتهم القيّمه

تحدث هذه المشكله بسبب انعكاس ضوء الفلاش على الاوعيه الدمويه الموجوده خلف العين

اما بسبب قرب الكاميرا من الجسم المراد تصويره او بوجوده في منطقه مظلمه

مما يزيد في اتساع حدقة العين وسهولة مرور الضوء خلالها,فيستحسن اثناء التصوير الاستعانه

بالضوءالمتوفر مثل انوار الغرفه لانها ستريح العين وتقلل من اتساعها

واختيار المسافه المناسبه بين الكاميرا والجسم المراد تصويره,,عدم النظر مباشرة الى الكاميرا

بل النظر الى احدى زواياها وهو الافضل,كذلك محاولة رفع الكاميرا قليلا حتى لا ينبعث الضوء مباشره

الى العين... كما انها ستقلل من التوهج اللذي يحدث احيانا خصوصاً في منطقة الجبهه,واخيرا اتمنى اني قدرت اقدم معلومه مفيده,وسلامتكم

[الباهي]

هلا والله باخوي ابشر بي

صراحه ماقصرت في الشرح وكلامك صحيح

لكن انا مجرب كميرات موديلها قديم وما فيها المشكله هذي

واصور بها في اوضاع كثيره من قريب والمكان مضلم والفلاش

شغال وكل الصور مايطلع فيها مشكله وماركتها مش ولا بد

ولكن هذي الكميرا اللي فيها المشكله موديلها حديث وغاليه

وماركتها عالميه وهذي المشكله