جديد جديد ....... الشريطي الصغير .......جهاز خيالي من خيال نجد

[خيال نجد]

أخواني الغالي

مفاجأتي لكم هي

جهاز جديد

جداًجداًجداً

تم طلبه من ألمانيا ووصل قبل يومين

وهو عباره عن جهاز بحجم قبضه اليد الواحده

ومزود بزر ... و3 لنبات .... حمراء و برتقاليه و خضراء

تقل اشاره

ويفيدك عند رغبتك بشراء سياره بأنه يخبرك أذا ان السياره قد تعرضت لحادث أم لا

فقط مرر الجهاز على جسم السياره (((البدي)))

وهو سوف يخبرك أذا كانت هذه الجهه تعرضت لعملية

تغيير لون أوأضافة معجون ودهان أو أنها سليمه

الأحمر...تم تغيير الدهان

البرتقالي...تم أضافة معجون ودهان

الأخضر ...سليمه 100%

علماً بان الجهاز تمت تجربته وهو دقيق جداً

لذالك أسميته ((( الشريطي الصغير )))

يالله خل اللي يبي يلعب علينا يجي نوريه .. ههههههههه

تحياتي لكم ولا تنسوننا من الردود وهذي هي الصور....

[خيال نجد]

[maz]

الله يسلمك علومك كلها زينه
أقترح إذا فيه احد يبي يشتري سيارة يستئجر الجهاز ؟
اذا ودك تئجر
الله يعطيك العافيه والله استفدنا من مشاركاتك الكثير الله يطول عمرك.

[صقر20]

يالله خل اللي يبي يلعب علينا يجي نوريه .. ههههههههه

وأنا أبسميك أبونا الكبير دايم تدور على مصلحتنا ولا تبي أحد يلعب علينا

حقيقةً مكشات بلا خيال نجد مثل الأكل بليا ملح

ربي يوفق هالوجه

والكلمات تعجز عن التعبير لك عن مدى إعجابي وإعجاب الشباب عيالك

بك وبمواضيعك وإختراعاتك المميزه

لاشل الله هاليمين يبوسعود

*ليتك تصير وكيل الجهاز قبل لايستولون ويدرون عنه حقين قطع الغيار

علشان تعطين واحد ببلاش

التميز يرافقك ولاهيب غريبة عليك

لله درك

[راعي كيف]

السلام عليكم

هلا ببسعود هلا بطخمة المنتدى الغريب انك مارديت على نفسك نفعت القراية هههههههه

ابو سعود بعتقادي ان واحد من الشباب يقول انه موجود بالسعودية يباع بس مدري مثل هذا او لا ونزل قبل فترة بدعاية بجريدة الوسيلة اعتقد على العموم ودي اسمية ( الفضيحة ) راعت على الشريطيه النصابين
خيال نجد يركب عليك اسم خبال نجد بمسح النقطه والشدة تدري ليه

قرب اقولك










كمان قرب












خشمك ههههههههههههههههههههه
قصدي اذنك
كلش تعرفلة ماشاء الله عليك الله لايظرك ويبارك بعمرك وبعدين تراك هبلتبنا شوي شوي ترانا مانتحمل







خوي خيال نجد( راعي كيف)
ابو ناصر صديق سعود ولد ابو سعود خيال نجد اللي صديق ابوه راعي كيف الي صديق ولدة سعود صديق ناصر ولد راعي كيف ...... الخ
هههههههههههههههههههههه هههههههههههههههههه

[ابو ناصر2020]

الله مير يسلم هاليديات على الصور

اجل راحت على الشريطيه هههههههههههههههههههه

[شبراق]

تسلم تسلم تسلم يالغالي والله الواحد مايقدر وش يعبر المثلك وشرواك

طيب اخوي كيف الواحد يقدر يجبله مثل هالجهاز وبعدين كم سعره الله لايهينك

[أبوأحمد98]

اخوي (خيال نجد)
يليت تعلمنى بكم قيمته ...؟؟
وهل موجود بالسعوديه ..؟؟
وشكرا على طرح الجديد

[الرجم العالي]

ههههههههههه

أم أنا ياخيال والله يلزمني مثله أذا بغيت أشتري سياره ههههه

لكن لاتخاف أخوي به ناس ماشاء الله مايوكل عيش معهم هالجهاز

الله يعطيك العافيه على هالموضوع المفيد بعدين شكلك تبي تاخذ رسوم على الشركه أو انك تبي تصير وكيل هههه

بيض الله وجهك وماقصرت

[ناصح]

دائما مبدع يا خيال نجد

لكن هل الجهاز يكشف حتى السيارة المرشوشة بالفرن ..؟؟

[bo_s3ayed]

اخوي خيال نجد.......الله يعطيك العافيه وتسلم على الموضوع...اخوي نبي الويب سايت او من وين شاريه وبكم

[alkongrs]

تسلم يمينك والشدفا انس الشريطين يلعبون علينا اذا جيت اشتري موتر ابتسلف الجهاز منك هههههههههههههههه وبكم سعروه ؟؟؟؟؟

[عقيد الخيل]

مشكور اخونا خيال نجد.......

بصراحة الجهاز ممتاز جدا.......

كنت شاري سيارة ووديتها احد محلات الفحص وشفت الجهاز عنده قلت بكم قيمة الجهاز قال هذا شاريه ب7000؟؟؟؟؟

وبعد كم يوم قريت عنه اعلان في المبوبة مدري الوسيلة.....

وكان يوجد 3 انواع ب 350 و550 و650ريال.......

والمشكلة انه فاحص البدي ب200ريال وقيمة الجهاز 350.......

[أبو مرضي]

هههههههههههههه وأخير سيتم فضيحة شريطية حراج النسيم
<<<<<<<<<<<<<<مجننينه

[فتى التويم]

رهيب والله ياخيال نجد



بس كم سعر الجهاز