المشورة يااهل العلوم الغانمة

[أسد الهيجا]

السلام عليكم ورحمه الله وبركاته
اعتذر لكم اخواني واتأسف شديد الاسف نظرا لانقطاعي عنكم حوالي سنتين لظروف الدراسة والغربه
بصراحة اشتقت لكم واجد واول مادخلت الموقع اتذكرت الايام الحلوة اللي جمعتني بكم سابقا
الحاصل انا رجعت للوطن وطالبكم المشورة ولاخاب من استشار رياجيل شرواكم بس لاتدوخوني
اصملوا على راي واحد ، أنا بصراحه مشتت الذهن بين:

1- الباجيرو ربع ب 106 الاف ويجي فل كامل بس بصراخه داش مخي ورائع من الداخل
خصوصا انه فايز في رالي دكار الاخير سعته 3,8 ليتر وعدد الاحصنة 270 حصان

2- الباثفيندر نفس قيمة الباجيرو بس خايف من البنزين سعته 4 ليتر وعدد الاحصنة293 حصان

3- ربع تويوتا برضو خايف البنزين وتقريبا قيمة الباجيرو سعته 4,5 ليتر و210 حصان

4- تويوتا برادو وصراحه اخوياي يذمونه ويقولون الباجيرو افضل كثير سعته 4 ليتر و240 حصان

مع العلم اني ابغى سيارة تريحني بالبلد ولابغيت البر احطها على يمناي وتقريبا 80% ابغى الباجيرو
مالم يغير رايي احدكم يالرجال المشاكيل بكلام مقنع نابع من تجارب مستفيضه ( صاير مثقف الاخ ) ههههه

ودمتم بصحه وسلامــــــــــــــــــــة

[خالد 27]

الحمد لله على سلامتك ..........

بس بشر عساك نجحت وبيضت الوجه الله يوفقنا وأياك

ودي افيدك بس للأسف ماأعرف عن الباجيرو شي اللي أعرفه ان واحد من الشباب كان معه 97 اربع ابواب وكان دايم خرابات

ولو انا محلك ماتعديت الباترول والله يكتب لك الخير

لاتنسى صلاة الأسخارة ............

وعسى الله يدلك على طريق الخير

[الدبل الثقيل]

صالون باترول 4800 قير عادي لك وللعايله ولربعك.........

[أسد الهيجا]

السلام عليكم
مشكورين ياخواني الاعزاء على ردودكم الرائعة والجميلة
بالنسبه لاخوي خالد 27 اشكرك على سوالك ومن هالناحيه تطمن خويك ذيب واشكرك على نصيحتك الرائعة بالصلاة
واشكر ايضا اخي الدبل الثقيل ( اسم على مسمى ) بس لدي سوال لكما على افتراض اني امشي يوميا 150 كيلو
واعبيه فل قد ايش يقعد يوم يومين او ثلاثة

[شبح الصحراء]

أرى البرادو أفضل خيار لك طبعاً الستة سيلندر ولا تغتر كثيراً بسباقات الراليات فهي ليست دليل على قوة السيارة لأن السيارات التي تدخل الراليات تختلف عن السيارات المعدة للتصدير كما انهم في الراليات يتعاقدون مع متسابقين مهرة ويخصصون فرق صيانة متنقلة وغيرها من العوامل التي تضمن فوز السيارة ، المتسوبيشي برأيي سيارة رائعة ولكن لا تقارن بتويوتا .

[مخاوي قناص]

السلام عليكم يااخونا الحبيب بعد التايوتا لا لا لا لا لا تلتفت الا لنيسان في الدفع الرباعي وجهة نضر خااااااصه مخاوي قناص

[شبح الموت]

باجيرو افضل الموجود في اللائحة

والباث عائلي بحت وينفع للبر القريب والطلعات الخفيفة

[بن محفوظ]

ترى اذواق الناس تختلف وانا اخوك ... مثل اختلاف السيارات

مالك الا تستخير ..

[مخاوي قناص]

السيارات احتياجات كل مهمه لها سياره خاصه وعلى حسب قدرت الشخص الماديه ان كان مقتدر يشتري الي يبي مايهم بنسباله نزول نصف سعر السياره بعد عامين او اقل وذا كان متوصط الدخل ياخذ سياره تمسك سعرها لو دعت الحاجه الله يدفع عنا وعنك الحاجه الالوجهه الكريم اخونا الكريم انت وش حاجتك من السيارات الدفع الرباعي 1 بر وكد وعزبه وصيد 2ولاعائله وخط وكشتات خفيفه انت طلبت المشوره ونا حاولت اقدم افضل ماعندي والسلام ختام مخاوي قناص

[أسد الهيجا]

لا والله يامخاوي قناص ابغا الخيار الاول
بس ابا انشد الباترول ربع يوازي قوة الفتك ووين ينباع

[راعي الركيات]

البرادو سياره ممتازه جدآ بس الناس اذواق واستخير واستشير ولا خاب من استشار واستخار

[مخاوي قناص]

البترول الربع لي معاه تجربه مديل94ونعم الجيب قوه خفه مكيف عجب تاكل المطب كنك في كابرس وفوق الطعوس شيروكي وفي الخط جمس عيبه الحشره واكسسواراته يبيلها صيانه سنويه وعمومآ الباترول يجي في المرتبه الثانيه بعد الاندكروزر ليس بسبب مواصفاته بل بسب مواصفاتنا نحن المستهلكين

[المميـز]

الحمد لله على السلامه

وانا ارررشح لك الباجيرو

ولو تاخذ باجيرو 4 ابواب 2007 فتحه وثلاجه ومثبت سرعه بـ 98000ريال

واذا تبي فل خذ الباب اللي تقول عليه بـ 106000 ريال

وترا الباجيرو يستاهل سياره محترمه

وعليك بالاستخاره بعد الاستشاره

[shaheenshah]

غير الخيار الثالث ربع التويوتا لا تدور اذا تبي الفكة من الخرابات والقرقعه
ولا يقول لا أبد ويعطيك اللي في خاطرك وزود ولو تحاول انت تخربه ما خرب وشيك في مخباتك متى ما بغيت تبيعه تلقى زبونه والم وسعره فيه.
الباجيرو سيارة قوية لا يختلف عليها اثنان ولكن.............. قطع الغيار (الوكيل وسع صدرك) ولا يمسك سعره ابد

ورأيي الشخصي ما فيه مقارنه بين اللاند والباجيرو

[آل مهنا]

اعطيك العلم عن الباجيرو ...

سياره ممتازه مالها ثاني لا في بر ولا بلد ... صرفية البنزين معقوله (اقل من التايوتا والنيسان) ... السياره صلبه وتتحمل الكرف ولا تطلب ابد ... سياره تختلف عن كل الجيوب من ناحية قيادتها ... لذلك اما انك تعشقها او تكرها مره وحده ... انا اعتقد بانها اعلى جوده من اي سياره يابانيه اخرى ...

رغم عشقي للسياره باحاول افصل لك عيوبها من تجربتي لها (حول السنتين) :

- اول عيوبها حرف الباء (باجيرو) ... اقصد هنا الوكيل ... والصيانه (رغم انك نادر تحتاج لهم) بنشريه وبس ...
- الثلاجه فيها ماتبرد لانها موصل لها فتحه من المكيف ... يعني تحفظ الاشياء البارده طالما المكيف شغال (مافيها ثلاجه) ...
- الانظمه الكهربائيه (التراكشن كنترول الي يستحيل فصله) ... احيانا تورطك في الرمال ... وتزعجك اذا انت سواق بر متمرس...
- مالها سوق ابد في المستخدم يعني ليا بغيت تبيع تطيح بكبدك ... اذا لقيت زبون نزل سعرها حول النص في اول سنه ...
- انا اشوف انها واطيه شوي والكفرات والجنوط (الي تجي من الوكاله) حقت فخامه ماهي للبر ...

السياره تعتبر اسد في الرمال (خاصه الرباضات) بسبب التراكشن كنترول ... لكن انا افضل لو اقدر اطفيه في الحالات النادره الي يكون عدمه افضل بكثير من وجوده ... شخصيا لو خيرت مره ثانيه ما اختار لها بديل .... (بس لو تنفك من هالوكيل التعبان ... والله تشوفها تضرب نسب فوق) ... مع العلم اني اطلع محلات صعبه جدا جدا ... وماعمرها خذلتني خاصه الآن بعد خبرتي معها ...

اي استفسار عن الباجيرو انا حاضر ... و لا تنسى الاستخاره ... تحيتي.