لا والموتـــــر جديــــــــــــــــــد

[عشبة الغار]

على ما يقولون الكتاب واضح من عنوانه :

يا جماعة المنتدى شريت ددسن دفرنسين 2003 ويم استعملت الموتر ولا العزم ضعيف شوي ومير اركب فرارات للدفرنس ومير يزين عزمة شوي ، ولكن طلعت علة ثانية وهي اذا جيت وحطيت الموتر بالثاني او الثالث ودعست بنزين تلاحظ إن الموتر يقطع ( تقل ما وده يمشي يا كافي ) وتجيني ام ... الي انتم خابرينه والقط الموتر وعلى وين الوكالة واعيطه المهندس ويسوق وقال العزم ضعيف ودخلة الورشة وطلعته اليوم . وسعيد اخو مبارك .

فالفزعة يالربع الي عنده مثل موتري ولا يخبر احد الزملاء يردلي بسرعة .
وشكراً

[Y&Y_4X4]

هل ( ينهر اسود (بالمصري طبعا ) ) ؟

شيكت على زيت الدفرنسات والقير والدبل

لا حظ اني ادري ان الموتر جديد ؟؟؟؟؟؟؟؟؟؟؟؟؟؟؟؟؟؟؟؟؟؟؟

جاوب اشوف

[عشبة الغار]

Y&Y 4X4
والله مكذب عليك
تراني ما شيكت على الزيوت الي قلت ، لكن الظاهر ان العلة بالمكينة الله لايقوله .

[الفجر]

السلام عليكم

الصراحة الددسن (دفع رباعي) كل الي شروه يمدحونه


ولكن احتمال اناقول احتمال انه يكون فيه عيب تصنيعي في البخاخ(القطعة الإكترونية الي تنظم نسب الهواء والوقود)



والله أعلم

[عشبة الغار]

هلا اخوي الفجر .
الظاهر انك على يمه مثل ماقلت رجعت لهم واخذت منهم موعد غداً الصباح ونشوف يا ابيض يا اسود

[الفجر]

السلام عليكم


وش صار معك ياعشبة غبار

[al-nashmi]

اخونا عشبه الغار..
على البركه الموتر.

والداتسون الدفرنسين الجديد عزمه قوي وفسقان بالحيل الكلام هذا عن تجربه حيث طلعنا العام للشمال
وكان معنا واحد من الشباب معه هذه السياره ومشاء الله كل ماطلعت طعس اللى هو جنبي وولا وراي بالصدام.

(للمعلوميه موتري باترول)

اخوي نصيحتي لك مثل ماقالوا الشباب ممكن الموتر فيه عيب تصنيعي ، انشب في حلوق اهل الوكاله لين يظبطون الموتر ولا يغيرونه لك بموتر ثاني اهم شي ازعجهم لين يسنعونك؟؟؟؟

وتقبل تحيات اخوك / النشمي

[عاشق الجبال]

السلام عليكم ورحمة الله وبركاته
اخوي عشبة الغار ولايهون الجميع من مشرفين واعضاء
لاتلعب بموترك وهو جديد
اقول احتمال السبب صفاية البنزين او البواجي .
انا كنت مسافر بموتري باترول 98 بخاخ وعندما توقفت عند محطة البنزين للتزود بالوقود
فجأه طفأ الموتر تركته شوي وتزودت بالوقود وشغلت السياره اشتعلت وواصلت
طريقي وبعد حوالي 160 كلم وقفت عند محطة بنزبن اخرى تكررت المشكله تزودت من البنزين
ثم شغلت الموتر اشتغل وواصلت طريقي وعندما دخلت البلد جهة السفر طفا للمرة الثالثة
ولكن زادة المشكله اكثر اصبح الموتر يشتغل ولكن تحس انه ثقيل مرة وعند الدعس على
البنزبن يطفي الموتر المهم تركته يشتغل بدون دعس البنزين وذهبت لاقرب ورشه يمدون
الميكانيكي الموجود فيها . قال احتمال البخاخ او الطرمبة او افحصه بجهاز كمبيوتر
رحت للوكاله . عرضته عليهم . مع العلم اني اخذت من قطع غيار الوكاله صفاية وبواجي
اصليات على قولتهم . قال اسوي له فحص كمبيوتر وتخلي السياره عندنا .
طلعت له الصفايه والبواجي وقلت له غير لي الصفايه والبواجي واذ ماصلحت اجيكم وافحص
السياره او اتركها عندكم . قام الميكانيكي بتغيير الصفاية والبواجي . والى يومك ماشفت وجيهم
وسيارتي لله الحمد استعادة عافيتها .
وسلامتكم

[عشبة الغار]

حي الله الاخوان كلهم من الاول الى التالي ...

وعذراً على ها الركبة الطويلة مالي يومين جاي من الجنوب والديار الباردة بس مهوب على موتري
ابشركم يا اخوان رحت للصيانة الجديدة في طريق خريص وشافوا الموتر وغيروا البواجي ووزنوا الديلكو ونسبة البنزين والهواء
وخف واجد وطلع عزمة زين ولله الحمد ، بس على فكرة طلعت الدداسن الجديدة عزمها كذا تقل مكتومه .

وشكراً للجميع على التفاعل .

[الفجر]

السلام عليكم

الحمد لله على السلامة


الله يبارك لك في السيارة ويعطيك خيرها ويكفيك شرها

اخوك الفجر