مشكلة عندي في ونش warn ارجوا المساعدة

[هاوي البر]

السلام عليكم
انا عندي ونش warn
شفت لي واحد غاطس في طين فليت الونش وشبكته في السيارة المغرزه سحبته بالونش مسافة متر واحد فقط ووقف على الونش ما عاد اشتغل حاولت فيه ما فيه فايده اسمع صوت طقطقه الدقمه حقة الونش لكن لا يدور ولا تسم صوت دينمو ولا شي فقط صوت طقطقة الدقمه
وش الحل وماهو خرابه وياليت تدلوني على افضل ورشه متخصص في صيانة الونوش في الرياض
وجزاكم الله خير

[جوال79]

فيه اخوي ذراع مع الونش ممكن تخلي الونش فاضي عن طريقه هل جربت الذراع اللي مع الريموت

[هاوي البر]

نعم اخوي جوال 79 حربت الذراع فضيته ثم ربطته ما فيه حيله نفس الشي فقط صوت طقطقة الدقمه حقة الونش

[مجالس الرجال]

إذا ماحصلت احد في الرياض فموجود واحد ببريدة لعبته الونوش

[zyarahmy]

روح للسليماني

[ابومازن2]

حياك اخوي ..... برضوة السليماني عندة الحل ان شاء الله وشغلهم حسب علمي طيب

[سوبر VTC]

و عليكم السلام و رحمة الله

هذي الرابطة

***^^^^&&&& رابطة ملاك الونشات *** &&&& ^^^^ - الصفحة 3 - منتديات ...

ولله يا خيال النفود انا اعرف ورشه متخصصه في المونوش في صناعية النسيم واسمه خالد يمكن يقدر يحل مشكلتكوهذا رقم جواله الموجود عندي0540489380 واتمنى اني افتك وافت غيرك

السلام عليكم يا الوهاج الي اعرفه عن صيانته من احد اقاربي ان فكة القلب في وكاله تويوتا اذا كان لاند كروزر بالف ريال وهم غالين لكن الصناعية القديمة فيها اصحاب ورش السطحات عندهم خبر اكيد لانهم كل يوم يتعاملون معها وانا شفت في ورشة اسمها الزايد يتعاملون مع الونشات من تصليح وتركيب على السطحات وهم على امتداد شارع الجمعية في اخرة من جهت البناشر الي قريبة من الشارع العام اما الواير بالطول والسماكة الي تبغى عند محل على امتداد شارع الريل اوعمر المختار اترك محلات الكفرات وراك ومحل الفانوس.... محل كبير..... على يمينك و سيد قدام وتعد اول اشارة بتجيك محطة بنزين بعد المحطة تلقاه يمينك اسمه جار الله او ضيف الله للوايرات والسلاسل والله يوفقك

اقتباس:
شف اخوي عليك بورشة الراجحي بالرياض على الدائري الجنوبي ووصفهم :- أمسك طريق الدائري الجنوبي متجه غرب تعدى كوبري حراج بن قاسم ثم أدخل مع الخدمة مع مخرج كوبري أل فريان ( بعد كوبري بن قاسم على طول ) خذ يو تيرن من تحت الكوبري راجع مع الدائري متجه شرق يجيك حوش محطة الصرف الصحي على يدك اليمين وأنت بالخدمة بعدها يجيك شيب ماء الورشة بجانب الشيب .
وشغلهم مضمون أصلاح وتركيب وارخص في سعر الاصلاح وافضلك من الوكالة التي من عوايدهم قيمة الاجور العالية لشغل اليد من غير قطع الغيار.

مع تحيات اخوك ابو عاذر

اقتباس:
اول شيء اخوي تأكد ان الكهرباء واصل
هذا اولا
ثم تأكد ان السنن الي في الونش والي في سلك الريموت نظيفه
قد تكون احد هالحفر وصخه ولايوصل الكهرباء
واول ماتشبك الريموت ترا بتسمع مثل الطقه خفيفه في الونش
هذا معناه انه شغال
اذا سمعتها (شيك على الريموت الحاله فقط ) ترا منيب متأكد لكن مابيك تروح لفلان وعلان ويقولون خل الموتر عندنا ثم لين رجعت لهم قالوا صلحنا كذا وكذا وهو تسذب
اسمحلي عطيتك الحلول افحصها قبل لاتروح لاي ورشه
تقبل تحياتي ... والله اعلم

اقتباس:
السلام عليكم
اخوي سعد
الونش وارن ب 3200ريال
التركيب واحد من الشباب مركبه لي(بنظام القوه) ولالحين ماحاسبته (ناوي اجحده:d )
السليماني يركبه ب 1000 بس مادري وش الطريقه
المميز اتصلت عليه قالو مانركبه
تحياتي

مواضيع للفائدة + ورش التركيب

الونش وطرق الإستفادة منه


لمكشاااات:: حصرياً ولأول مره تركيب ونش 3.6 طن على فورد اكسبديشن 4×4 Xltوشغل على كيفك


تركيب ونش على جيب لكزس 2003 ... بالصور


تركيب الونش على البرادو بالصور (نظام اللاند)

[turke2545]

السلام عليكم
شكرا اخوي هاوي البر انا عندي نفس المشكله مع نفس الونشwarn 3.5طن مركبه على هدد لاكن في الديره ماعندك احسن منه عند الحاجه(خاصه في البر)
يسوي نفس الحركه الصوت في الدقمه يطقطق ماادري وش المشكله
لاجيت من البر وهو عطلان على طول اوديه للكهربائي لاجاء يفحصه
المهندس حصله شغال احسن شي مافيه مشكله مادري ليش علماً مشتريه من
السليماني في الرياض ب3000 وركبته في القصيم ارجوا من الاخوه الافاده والتوضيح

[سوبر VTC]

السلام عليكم
شكرا اخوي هاوي البر انا عندي نفس المشكله مع نفس الونشwarn 3.5طن مركبه على هدد لاكن في الديره ماعندك احسن منه عند الحاجه(خاصه في البر)
يسوي نفس الحركه الصوت في الدقمه يطقطق ماادري وش المشكله
لاجيت من البر وهو عطلان على طول اوديه للكهربائي لاجاء يفحصه
المهندس حصله شغال احسن شي مافيه مشكله مادري ليش علماً مشتريه من
السليماني في الرياض ب3000 وركبته في القصيم ارجوا من الاخوه الافاده والتوضيح

اتصور دام ان الدقمه تطقطق
فاحتمال ضعف كهرب ضعف توصيل الكهرب

[هاوي البر]

الله يجزاكم خير جميع ما قصرتم على هذه الردود
الاخ مجالس الرجال
عطنا رقم الرجال الي في القصيم نخليه اخر حل يمكن تحصل لنا زرقه للقصيم نمر عليه اذا ما حصلت احد يصلحه في الرياض

الاخ zyarahmy
السليماني الي محله على طريق الملك عبد العزيز هل هذا هو محل الصيانة عندهم

الاخ سوبر VTC
يمكن يصير الكهرباء ضعيف لكن كيف اشتغل في البداية وسحب تقريبا 1 متر كان من الاساس ما يشتغل ولا لا

[turke2545]

الرقم ماهوب عندي بس اوصفه لك وللخوان لكي تعم لفائدة
القصيم بريدة مقابل مقر البلديه عند محل اجتماع السطحات
جميع سيارات السطحات يشتغلون عنده العامل باكستاني
ارجوا وصلت وعرفت التوصف

[turke2545]

اخوي هاوي Vtc
ممكن يكون ضعف كهرباء لانه لاشد
في السحب يحتمي بعدين لابرد اشتغل

[هاوي البر]

الاخ turke2545
واضح الوصف جدا مقابل بلدية بريده
ومسئلة ضعف الكهرباء ما اعتقد لاني جربه من بكره يعني بعد يوم كامل ولا اشتغل نفس الشي صوت طقطقة الدقمه
مريت لي سوري في صناعة العويضه في الرياض
قام يتفلسف علي هو شكله فاهم من شافه قال انت ماشي في مويه قبل ما تشغله قلت ايه بعدين هز راسه وقلت وش المشكله قال مو مبين معي لزوم افكوه وفحصوه
قلت طيب الخراب من الدقمه جايها ماء والتمست قال جايز وجايز يكون السف او شغله تانيه مداريه الونش الورن شغلوا كثير ومتعب قالت يعني كم يكلف قبل ما تفك وتربط اذا جاز لي السعر اتفقنا على الشغل قال ما بعرف اقولك لازم افكوه الاول بعدين اشوف شو خرابه وبعدين اعلمك بكم يصلح
الرجال ناوي يصلخني بالفلوس يبي يفكه بعدين يحطني قدام الامر الواقع يعني يصيدني
هو كلامه صحيح انا دخلت مجرى سيل بعد ما طلعت ومشيت 10 كيلو قليت الي مغرز وسحبته اكيد التماس في الدقمه لانها قريبه مره خلف الصدام
لكن مافي اليد حيله ابروح للسوري بكره والله يعين

[yaso]

كل الي تشتكون منه هو احتراق الكلتشات وهذا شي طبيعي مع الاستعمال خصوصا اذا سحبت ثقيل وهو دائما يحدث معي
بوصف لكم ورشه بالرياض ودائما اصلح عندهم
الي يعرف صناعية العويضه بالرياض بحاول اوصف لكم
مع الدائري الشرقي مخرج 17باتجاه الغرب حتى تمر من تحت كوبري سكة القطار وتطلع فوق يجيك شارع علي ابن طالب لف يسار باتجاه الجنوب اول شارع سيدين يدخل يمين منور ومرصوف في الوسط ومليان تريلات قبل آلاخير يجيك سيدين يمين ادخل معه ثالث دكان صغير هو جزء من ورشه عباره عن فتحه وحده اسم صاحب المحل فيصل واذا ضعت سو زيي دور لك اقرب سطحه واتصل عليه على الجوال المكتوب على السطحه واسأله وين يصلح الونش وهو يدللك

[هاوي البر]

الاخ yaso
لك رساله على الخاص